ئه‌نداميگ خوازياره عبادى دقه‌ت ريككه‌فتنه‌يل ناوده‌وڵه‌تى بكا
نسه‌يف له به‌ياننامه‌يگ ك(شه‌فه‌ق نيوز)ئاگادارى بوى، وت: دوياى داناين ياساى ريككه‌فتنه‌يل ك له ئه‌نجومه‌ن نوێنه‌ره‌يل جيگير كريا دى بايه‌سه سه‌رۆك وه‌زيره‌يل وه دقه‌ته‌و بنوڕێده گشت ريككه‌فتنيگ ك ئمزا كريانه وه تايبه‌ت ريككه‌فتنه‌يل ستراتيجى و له‌وانه‌يش ك په‌يوه‌سن وه ئاينده‌ى نه‌وه‌يل دوياڕووژ، چوينكه وه‌رجه جيگيركردن ياساى ريككه‌فتنه‌يل ده‌نگداين له‌بان ئه‌و ريككه‌فتنه‌يله وه نيمه و يه‌كيگ زياتر له نيمه بوى.
جى باسه، نسه‌يف داوايش له سه‌رۆك وه‌زيره‌يل كرد جاريگتر دقه‌ت بكا له‌و ليژنه‌يله ك دامه‌زريان و په‌يوه‌سن وه جيوه‌جيكردن بريار 833 وه ئه‌وه‌گ فريه‌يگ له به‌رژه‌وه‌نديه‌يل ه تاڵان چيه له‌ئاكام جيوه‌جيكردن كوورانه‌ى ئه‌و برياره‌يل ناوده‌وڵه‌تيه له‌لايه‌ن ليژنه‌يليگه‌و ك ئه‌ندامه‌يلى يا ئه‌وه‌سه دو ره‌گه‌زنامه ديرن يا تويشهاتنه وه وه‌رگرتن رشپه‌ت.
