ئه‌نداميگ خوازياره عبادى خوه‌ى له حزب ده‌عوه بكشێده‌و
شه‌مه‌رى له به‌ياننامه‌يگ ئه‌را(شه‌فه‌ق نيوز)وت: ئمڕوو عبادى پشتگيرى و ده‌رفه‌تيگ مێژوويى ديرێد ك ئه‌را هويچ سه‌رۆك وه‌زيريگ تر وه‌رين له‌عراق ناته‌سه وجوود، چوينكه مه‌رجه‌ع ئايينى و جاده‌ى عراقى بوينه‌سه پشتگير بته‌ويگ ئه‌را وه‌خاتر جيوه‌جيكردن خاسسازى و له هه‌مان وه‌خت په‌رله‌مانيش وه‌ئاشكرا پشتى كردگه ئه‌را هه‌ر بڕياريگ يا هه‌ر خاسسازييگ ك عبادى هه‌وه‌جه‌ى بكا له‌ليان.
شه‌مه‌رى هه‌ميش وت: ئنتما ئه‌را هه‌ر حزبيگ يا فراكسيۆنيگ چشتيگ ئاساييه له كومه‌ڵگايه‌يل ديموكراسى، وه‌لى عراق وه بار تايبه‌تيگ گوزه‌ر ئه‌كاو فشار حزبييش له‌لايه‌ن بريگ له كه‌سايه‌تيه‌يل حزبيه‌و كاريگه‌رى له عبادى ئه‌كاو له‌يوا له‌لى ئه‌كا ده‌س له‌كار بگيشێده‌و يا جيوه‌جى ياسا بكا، ئمڕوويش تووپه‌گه كه‌فته‌سه وازيگاى عبادى و هه‌ر وه‌و خاتريشه خاستر ئه‌وه‌سه خوه‌ى له حزب بكيشێده‌و له‌وه‌ر بنياتناين سياسه‌تيگ تازى له‌بان مه‌لدارى ئه‌را ملله‌ت و نيشتمان و خوه‌ى ته‌رخان بكا ئه‌را ئه‌ركه‌يل گه‌وراتر و له‌وانه‌يش ده‌سڵات جيوه‌جيكارى.
