ئه‌نجومه‌ن هووزه‌يل ئه‌نبار كۆنگره‌ى قه‌ته‌ر وه پيلان له‌بان عراق تاريف كرد
2015-09-11T10:05:32+00:00
له‌ى باوه‌ته‌و، فه‌يسه‌ڵ عه‌سافى سه‌رۆك ئه‌نجومه‌ن ناوبرياگ ئه‌را(شه‌فه‌ق نيوز)وت: ئه‌و كۆنگره ك له قه‌ته‌ر ساز كريا ته‌مامكه‌ر زنجيره كاولكاريه‌يل عراق بويه وه پشتبه‌سانن وه بڕيگ له كه‌سايه‌تيه‌يل ناوخوه‌يى له‌وانه‌گ نيشتمانيه‌ت خوه‌يان له‌ده‌سدانه له‌ڕى به‌شداريكردن له‌ى كۆنگره.
عه‌سافى هه‌ميش وت: بڕيگ له‌و كه‌سايه‌تيه‌يله ك به‌شدارى كۆنگره‌گه كردن له‌لايه‌ن دادگاى باڵاى عراقى و هووزه‌يله‌و داواكرياگن و هويچ وه‌ختيگيش هووزه‌يل عراقى واز له مافه‌يل خوه‌يان نايه‌رن وه‌رانوه‌ر ئه‌و كه‌سايه‌تيه‌يله ك واينه‌و بوينه‌سه هووكار كاولكردن ئه‌نبار.
