ئه‌نجام په‌لاماره‌گه‌ى بان كۆمپانيا‌ نه‌فتيه‌گه‌ له‌ به‌سره‌ ئاشكرا كريا

ئه‌نجام په‌لاماره‌گه‌ى بان كۆمپانيا‌ نه‌فتيه‌گه‌ له‌ به‌سره‌ ئاشكرا كريا
2019-06-19T10:51:24+00:00

شه‌فه‌ق نيوز/ شانه‌ى ره‌سانن جه‌نگى، ئاشكراى زه‌خمداربوين سێ كه‌س كرد له‌ ئه‌نجام ئه‌و په‌لامار مووشه‌كيه‌ ك كۆمپانيايگ نه‌فتى بيگانه‌ له‌ پاريزگاى به‌سره‌ له‌ پاين باشوور عراق گرته‌ ئامانج.

 

له‌و باوه‌ته‌و، شانه‌ى ره‌سانن له‌ به‌ياننامه‌يگ وت: مووشه‌كيگ كاتيوشا كه‌فته‌سه‌ بان كۆمپانياى چاڵ هه‌ڵكه‌ن نه‌فتى له‌ ناوچه‌ى به‌رجسيه‌ له‌ پاريزاى به‌سره‌و له‌ ئه‌نجام ئه‌وه‌يش سێ كه‌س زه‌خمدار بوينه‌ جوور ئه‌نجام به‌رايى.

 

جى باسه‌، زويتريش سه‌رچه‌وه‌يل عراقى ئه‌وه‌ ده‌رخستن ك مووشه‌كيگ كه‌فته‌سه‌ بان باره‌گاى كۆمپانيايگ نه‌فتى بيگانه‌ له‌ شار به‌سره‌ له‌ باشوور وڵاه‌گه‌و ته‌نيا 2 كه‌س له‌ كارگه‌ره‌يل عراقى زه‌خمدار كردگه‌.

Shafaq Live
Shafaq Live