ئه‌مريكا ليوايگ عراقى و هيزيگ شيعه‌ وه‌ بوردۆمانه‌ تازه‌گه‌ى تاجى تومه‌تبار كرد

شه‌فه‌ق نيوز/ سه‌رچه‌وه‌يگ ئاگادار باس له‌وه‌ كرد، هيزه‌يل ئه‌مريكى تومه‌تبار ئه‌فسه‌ريگ كرد وه‌پله‌ى ليوا ك بۆردومانه‌ تازه‌ى سه‌ربازگه‌ى تاجى ريكخستگه‌و داوايش له‌ هيزه‌يل عراقى كرد له‌وباره‌وه‌ په‌يجوورى وه‌ليا بكه‌ن.

ئه‌و سه‌رچه‌وه‌ ئه‌را شه‌فه‌ق نيوز، وت: وه‌گووره‌ى زانياره‌يليگ ك هانه‌ وه‌رده‌س، ئه‌مريكيه‌يل ومه‌بار هيزيگ چه‌كدار سه‌ر وه‌ بزووتنه‌وه‌ى نوجه‌با ئه‌كه‌ن له‌ جيوه‌جيكردن بۆردومانه‌گه‌و ئه‌فسه‌ريگيش عراقى وه‌ پله‌ى ليوا ك بنگه‌ى مووشه‌كه‌يله‌گه‌ جيواز كردگه‌.

جى باسه‌، سه‌رچه‌وه‌گه‌ هه‌ميش وت: ئه‌مريكيه‌يل مكوڕن له‌بان ده‌سگيركردن ئه‌و ليوا ئه‌را ئه‌وه‌گ په‌يجوورى وه‌ليا بكريه‌ێد.