ئه‌مريكا سزاى قه‌واره‌يليگ دا ده‌س له‌ په‌لاماره‌گه‌ى تاجى له‌ به‌غدا داشتنه‌

ئه‌مريكا سزاى قه‌واره‌يليگ دا ده‌س له‌ په‌لاماره‌گه‌ى تاجى له‌ به‌غدا داشتنه‌
2020-03-19T09:38:17+00:00

شه‌فه‌ق نيوز/ وڵاته‌يل يه‌كگرتگ ئه‌مريكا، سزا له‌بان قه‌واره‌و كه‌سه‌يليگ چه‌سپان ك ده‌س داشتنه‌ له‌ چالاكيه‌يليگ ئه‌را پته‌وكردن ره‌فتار تون رژيم ئيرانى.

 

له‌ى باوه‌ته‌و، مايك په‌مپيۆ وه‌زير خارجيه‌ى ئه‌مريكا، له‌ به‌ياننامه‌يگ وت: ره‌فتار ئه‌و كه‌س و لايه‌نه‌يله‌ داهات ئه‌را رژيم ته‌هران ده‌سه‌وه‌ر ئه‌كا ك وه‌كارى ئه‌يه‌رێد ئه‌را ته‌مويلكردن تيرۆر و چالاكيه‌يل تر وه‌ ئامانج شيوانن سه‌قامگيرى جوور په‌لاماره‌يل مووشه‌كى ئى دوياخره‌ ك هيزه‌يل عراق و هيزه‌يل هاوپه‌يمان له‌ بنگه‌ى سه‌ربازى تاجى له‌ عراق گرته‌ ئامانج.

 

په‌مپيۆ وت: ئى سزايه‌يله‌ رژيم ئيرانى له‌ ده‌خڵ بنه‌ڕه‌تى بيبه‌ش ئه‌كا ك له‌ پيشه‌سازى پترۆكبمياوى ئه‌كه‌فێده‌ ده‌سى و ئابوريه‌گه‌ى و حاڵه‌ته‌ دبلۆماسيه‌گه‌ى خراوتره‌و ئه‌كاو باس له‌وه‌يش كرد ئه‌مريكا سزاى وه‌رده‌وام ئه‌خاده‌ بان ته‌هران وه‌شيوه‌ى ته‌واويگ.

 

جى باسه‌، ئه‌و سزايه‌يليشه‌ شماره‌يگ قه‌واره‌ ئه‌گرێده‌و ك پيكهاتنه‌ له‌: كۆمپانياى (International Proprietary Limited) باشوور ئه‌فريقيا، وكۆمپانيايه‌يل (McFly Plastic HK Limited)، وكۆمپانياى (Saturn Oasis Co)، وكۆمپانياى (Sea Charming Shipping Company Limited)، ك گشتيان باره‌گايان ها هۆنگ كۆنگ، و كۆمپانيايه‌يل چينى  (Dalian Golden Sun Import & Export Co)، وكۆمپانياى (Tianyi International Dalian Co)، وكۆمپانياى (Aoxing Ship Management Shanghai Ltd).

Shafaq Live
Shafaq Live