ئه‌لهه‌ميم له كوردستانه‌و: چاره‌سه‌ر ئاسايشى ترۆر بنبڕ ناكا
2015-07-09T08:51:59+00:00
له به‌ياننامه‌ى وه‌قف كوردستانى له زووان ئه‌لهه‌ميم ك(شه‌فه‌ق نيوز)ئاگادارى بوى وتگه: ئيمه چه‌وه‌ڕى هاوكارى فيشتر ئه‌كه‌يم وه‌ل هه‌رێم كوردستان له گشت بواره‌يل و له‌وانه‌يش وازكردن لقيگ ئه‌را كۆليژ ئيمام ئه‌عزه‌م له هه‌رێم وه‌خاتر ئه‌وه‌گ برايه‌يل كورد خزمه‌تيگ وه كومه‌ڵگاى ناوڕاس عراق بڕه‌سنن و هه‌ر وه‌و خاتريشه به‌رنامه‌يگ هه‌س له‌ناونى ديوان وه‌قف سنى و هه‌رێم كوردستان.
وه گووره‌ى به‌ياننامه‌گه ئه‌لهه‌ميم هه‌ميش جه‌خت له‌بان چاره‌سه‌ر سه‌ركه‌فتگ ناونى حكومه‌ت هه‌رێم و حكومه‌ت ناوه‌ندى كردگه وه‌خاتر قورتاربوين له گشت ئه‌و قه‌يرانه‌يله ك حاڵ حازر وجوود ديريد له وڵاته‌گه.
ج . أ
