ئه‌را دويه‌م رووژه رێپێوان خوه‌ندكاره‌يل له شاره‌يل عراقى وه‌رده‌وامه
2019-10-28T09:28:18+00:00
شه‌فه‌ق نيوز/ سه‌ربار وشداريه‌يل حكومه‌ت عراقى و وه‌زاره‌ت په‌روه‌رده, خوه‌ندكاره‌يل شماره‌يگ له خوه‌ندنگايه‌يل له شاره‌يل عراقى ئه‌را دويه‌م رووژه له رێپێوان وه‌رده‌وامن له‌وه‌ر پشتگيرى له خوه‌ينيشانداينه‌يل.
له‌شار كووت پايته‌خت ناوچه‌يى پاريزگاى واست خوه‌ندكاره‌يل رێپێوان فراوان كردن ك هه‌رچه‌نى واران وارين فريه‌يگيش ده‌س وه‌پيكرد، وه‌لێ له‌شار به‌سره‌و ديوانيه‌و ناسريه‌و عوماره و كه‌ربه‌لا، خوه‌ندكاره‌يل فريه‌يگ ده‌س كردنه‌سه رێپێوان و جه‌خت له پشتگيرى خوه‌ينيشانداينه‌يل ئه‌كه‌ن.
خوه‌ندكاره‌يل له بابل ئاشكراى مانگرتن له ده‌وام فه‌رمى كردن و له زانكۆى موسته‌نسريه له به‌غداى پايته‌ختيش وه هه‌مان شيوه مانگرتن كرياو له قه‌زاى سوێره له پاريزگاى واستيش ئه‌نجومه‌ن شاره‌وانى و قايمقاميه‌ت سه‌ر وه قه‌زاگه داخريا.
