ئاگرداین و ری بڕین.. خۆپیشاندان لە باشوور بەغداد لەوەر کەهرەبا
2020-07-19T12:30:50+00:00
شەفەق نیوز/ سەرچەوەیگ خۆجێی لە پارێزگای زیقار، ئمڕوو یەکشەممە، خەوەردا ک ناڕەزایەیلیگ دەور دیوان پارێزگاگە گردن، و داوای لاوردن پارێزگار و گشت وەڕیەوبەر فەرمانگەیل کردن، و هەمیش خەڵکەگە تایەر لە وەردەم فەرمانگەی کەهرەبای دیوانیە سزانن لەوەر کەم کەهرەبایی.
سەرچەوەگە لە زیقار ئەرا ئاژانس شەفەق نیوز وت: خۆپیشاندەرەیل دەور دیوان پارێزگای زیقار گردنە، و داوای لاوردن پارێزگار و گشت وەڕەیوبەر فەرماگەگان کەن.
و لەباوەتیگ پەیوەندیدار، خەڵکەگە لە وەردەم فەرمانگەی کەهرەبای پارێزگای دیوانیە تایەر ئاگردان، لەوەر کەم کەهرەبایی.
لە پارێزگای کەربەلا، خەڵک جەمالیە خۆپیشاندانیگ کردن دژوە خراوبوین رەوش کەرەبا و نوای فەرمانبەرەیل ویستگەی کەهرەبای دیزلات گردن و نەیشتنەیان بچنە ناوی.
