ئاواره‌يل عراقى ناره‌زايى له‌باره‌ى بيبه‌شكردنيان له هه‌ڵوژارنه‌يل ده‌رخه‌ن
شه‌فه‌ق نيوز/ مزاحم ئه‌لحوێت قسه‌كه‌ر وه‌ناو عه‌شاير عه‌ره‌ب له ناوچه‌يل كيشه له‌سه‌ر، باس له ئاگاداركردن نه‌ته‌وه‌يل يه‌كگرتگ له عراق كرد له‌باره‌ى ره‌ته‌وكردن بڕياريگ ك له‌تى بايه‌سه ئاواره‌يل له ناوچه‌يل ره‌سه‌ن خوه‌يان ده‌نگ بيه‌ن له هه‌ڵوژاردنه‌يل ئاينده‌ى ئه‌نجومه‌ن پاريزگايه‌يل و باسيش له‌وه كرد ئاواره‌يل به‌شدارى پرووژه‌ى ده‌نگدان ناكه‌ن له حاڵه‌تيگ ئه‌و بڕياره له‌بانيان جێ وه‌جێ بكريه‌ێد.
ئه‌لحوێت ئه‌را شه‌فه‌ق نيوز وت: ئاواره‌يل عراقى بڕيار په‌رله‌مان ره‌ته‌و ئه‌كه‌ن و ئيمه‌يش كتاويگ فه‌رمى ئاراسته‌ى نه‌ته‌وه‌يل يه‌كگرتگ له عراق كرديمنه‌و ئاگادارى كرديمنه ك به‌شدارى هه‌ڵوژاردنه‌يل ئاينده نايكه‌يم له‌بان ئه‌و بڕياره.
جى باسه، ئه‌لحوێت ئى بڕياره وه بڕيايگ سياسى تاريف كرد وه ئه‌وه‌گ خزمه‌ت وه ئاواره‌يل ناكا له بردنه‌وه‌يان ئه‌را ناوچه‌يليان و وت: زياتر له 500 هه‌زار ئاواره هه‌ن ك ماف ئه‌وه ديرن ده‌نگ له هه‌رێم كوردستان بيه‌ن و نه‌بايه‌د بيبه‌ش بكريه‌ن له ده‌نگداين له‌وه‌ر ئيچنه بڕياريگ زاڵمانه.
