ئاشکراکردن پرسیاریگ نێچیرڤان بارزانی لە کازمی
شەفەق نیوز/ فارس عیسا وەرپرس نوێنەرایەتی حکومەت هه‌رێم کوردستان لە بەغداد، ئمڕو سێشەممە، باسکرد ک نێچیرڤان بارزانی سەرۆک هەرێم کوردستان، لە وەخت سەردانە دویاینەگەی ئەرا پایتەختە فیدڕاڵیەگە، پرسیاریگ لە موستەفا کازمی سەرۆک ئەنجومەن وەزیران کرد ک پەیوەندی وە مووچەیل هەرێم دیرێد.
عیسا لە ماڵپەڕە فەرمیەگەی خوەی لەبان فەیسبووک ئمڕوو نووساد: لە چوارچیوەی سەردانەگەی ئەرا بەغداد، وکۆبونەوەیلی وەل لایەنە سیاسیەگان، نێچیرڤان بارزانی دووپاتکرد ک بایەسە بڕەسنە لەیەکفامستن هاوبەشییگ ئەرا چارەسەرکردن ناکۆکیە تایبەتەگان لەباوەتە گیرهاتگەگان ناوبەین هەرێم کوردستان و حکومەت فیدڕاڵی، لەبان بنەمای دەستور، وئەرا دابینکردن ئایندەی گەشەیگ ئەرا گشت گەل عراق.
وتیش؛ نێچیرڤان بارزانی پرسیاریگ لە موستەفا کازمی کرد وەختا وت: ئایا تو سەرۆک وەزیرەیل گشت عراقی یا نە؟، وئەگەر وڵامەگەی بەڵی بوی خو بایەسە مووچەیل گەل کوردستان رەوانە بکەێد، و نەبایەس وەل ناکۆکیەگان گریەی بەێد.
فارس هەمیش وت: نێچیرڤان بارزانی ئامادەیی هەرێم کوردستان نیشاندا ئەرا هەر هاوکارییگ وە ئامانج چارەسەرکردن ناکۆکیەگان و باوەتە گیرهاتگەیل ناوبەین هەولێر و بەغداد، و نواگردن قەیرانەگان.
