ئئتلاف مالكى له‌باوه‌ت كه‌مه‌وكردن موچه ره‌خنه له بريگ لايه‌ن سياسى گرت
2015-07-23T09:15:38+00:00
نعمه له به‌ياننامه‌يگ ئه‌را(شه‌فه‌ق نيوز)وت: بريار ئه‌نجومه‌ن وه‌زيره‌يل ئه‌را كه‌مه‌وكردن مانگانه‌ى هه‌رسێ سه‌رۆكايه‌تى و وه‌زيره‌يل و وه‌ڕيه‌وبه‌ره‌يل گشتى ديد خاسيگه وه‌تايبه‌ت له ساى ئى بار سه‌خته ك عراق وه‌پيه‌و گوزه‌ر ئه‌كا له قه‌يران دارايى، وه‌لى جى داخه ك بريگ فراكسيۆن سياسى له‌يوا باس ئه‌كه‌ن ك ئه‌وان داواكار جيوه‌جيكردن ئى گامه بوينه له هه‌وڵيگ ئه‌را دزين ده‌سكه‌فته‌يل باڵا.
نعمه هه‌ميش وت: ملله‌ت عراقى هه‌وه‌جه وه‌ى كرده‌وه‌يله ناكه‌ن تا مزايده‌ى سياسى له‌بانيان بكريه‌يد، به‌ڵكوو عراقيه‌يل وه ته‌مامى ئاگادارن له‌وه‌ك كى وه جدديه‌ت ها له خزمه‌ت به‌رژه‌وه‌ندى نيشتمانى و كى هه‌وڵ جيوه‌جيكردن ده‌سكه‌فته‌يل سياسى ئه‌ياد.
