30 ترۆريست له هيت كوشياو وه‌رپرسيگيش داعش ده‌سگير كريا
شانه‌ى ناوبرياگ له به‌ياننامه‌يگ ئه‌را(شه‌فه‌ق نيوز)وت: هيز ئاسمانى عراقى وه گووره‌ى ده‌سكه‌فتن زانيارى هه‌واڵگرى پڕ دقه‌تيگ په‌لاماريگ ئاسمانى ئه‌را بان ديواخانيگ له قه‌زاى هيت له ناوچه‌ى ئه‌لمحه‌مه‌دى ئه‌نجام دا.
به‌ياننامه‌گه يه‌يش ده‌رخست ك ئه‌و ديواخانه كه‌سه‌يليگ ره‌گه‌ز جياواز له‌تى بويه سه‌ر وه داعش ك ناسريانه وه "كه‌تيبه‌ى ئنغماسيه‌يل" ك يه‌كيگه له مه‌ترسيدارترين ناوه‌نده‌يل سه‌ركردايه‌تى داعش و كاريان داناين پلان و مه‌شقداين و بڵاوكردنه‌وه‌ى فكره‌ى ته‌كفيريه.
جى باسه، هه‌مان به‌ياننامه باس له‌وه‌يش كرد ك له‌ئاكام ئه‌و په‌لامار ئاسمانيه فيشتر له 30 ترۆريست كوشيانه‌و بيجگه ئه‌وه‌يش شانه‌ى ره‌سانن جه‌نگى له به‌ياننامه‌يگ تر ئاشكراى ده‌سگيركردن جيگر سه‌رۆك پۆليس سه‌ر وه ريكخرياگ داعش كرد وه جنگ ژنانه‌وه له‌ناو كووچبه‌ره‌يل فه‌لوجه.
