16 كه‌س له عراق دوياى سه‌ڵامه‌تبوينيان له په‌تاى كۆرۆنا كه‌ره‌نتينه هيشتنه‌جێ
2020-04-01T10:37:38+00:00
شه‌فه‌ق نيوز/ ئمڕوو 16 كه‌س له پاريزگاى نه‌جه‌ف كه‌ره‌نتينه وه‌جيهيشتن دوياى ئه‌وه‌گ وشكانن ئه‌رايان ئه‌نجام دريا له‌باره‌ى ڤايرۆس كۆرۆناى تازه.
له‌و باوه‌ته‌و، له‌يس موسه‌وى وه‌رپرس يه‌كه‌ى نه‌خوه‌شيه‌يل هه‌ناسه‌داين له ده‌زگاى ته‌ندروستى نه‌جه‌ف، وت: ئه‌و 16 كه‌سه وه دريژايى كه‌ره‌نتينه كردنيان له‌ژير چه‌وديرى پزيشكى بوينه‌و هويچ نيشانه‌يگ نه‌خوشيه‌گه له‌ليان ده‌ركه‌فتگه و كه‌ره‌نتينه كردنيان له‌وه‌ر خاتر سه‌ڵامه‌تييان و سه‌ڵامه‌تى كۆمه‌ڵگا بويه.
جى باسه، موسه‌وى باس له‌وه‌يش كرد ئه‌و كه‌ره‌نتينه كرياگه‌يل دوياى ئه‌وه‌گ ده‌رچنه، شماره‌ى ئه‌و كه‌سه‌يله ك ده‌رچنه له كه‌ره‌نتينه ره‌سيه‌سه 319 كه‌س.
