12 حاڵه‌ت تويشبوين وه كۆرۆنا و 11 حاڵه‌ت خاسه‌وبوين له دو پاريزگا تۆمار كريا
2020-06-04T11:01:11+00:00
شه‌فه‌ق نيوز/ سه‌رچه‌وه‌يگ پزيشكى له دياله ئاشكراى تۆماركردن تويشبوين تازه وه ڤايرۆس كۆرۆنا كرد وه‌ل خاسه‌وبوين 11 كه‌س تويشبوێ تر.
ئه‌و سه‌رچه‌وه ئه‌را ئاژانس شه‌فه‌ق نيوز وت: موختار ناوچه‌ى كۆمه‌ڵگه‌ى گاتوون له خوه‌رئاواى باقووبه تويش ڤايرۆس كۆرۆنا هاتگه‌و جيواز كرياگه ئه‌را كه‌ره‌نتينه.
باس له‌وه‌يش كرد 11 كه‌سيش ك تويش ڤايرۆسه‌گه بوينه خاسه‌و بوينه‌و له ماوه‌ى چه‌ن سه‌عاتيگ تر كه‌ره‌نتينه هيلنه‌جى.
لاى خوه‌ييشه‌و، سه‌رچه‌وه‌يگ تر ئاشكراى تۆماركردن 12 حاڵه‌ت تر تويشبوين وه ڤايرۆس كۆرۆنا كرد له ناسريه.
