کۆڕۆنای ئەمریکا.. گەوراترین ئامار روژانەی تووشهاتن تۆمارکرد

شەفەق نیوز/ لە وەخت بڵاوبوین پەتاگە ، ئەمریکا گەوراترین ئامار تووشهاتن لە یەک رووژ تۆمار کرد.
وەگورەی رۆیتەرز، نزیکەی ٤٠ هەزار تووشهاتگ نوو (٣٩٨١٨ ) لە روژ پەنجشەممە تۆمار کریاگە.
ئەمریکا رووژ چوارشەممە، ٣٦ هەزار تووشهاتگ وەکۆڕۆنا تۆمارکرد.
تووشهاتگە نووەگان ئەرا کەسەیلیگ تۆمار کریا ک قورتار بوینە یا زوی جوولە کردنە ئەرا لاوردن قەیەغەگان ک لەنواگردن ڤایڕۆسەگە ئەنجام دریا.
وەرپرسەیلیگ گەورا لە ئەمریکا وتن؛ پسپۆڕەیل ئەمریکا مەزەنە دیرن ک زیاتر لە ٢٠ مەلیۆن ئەمریکی شایەت تووش ڤایڕۆس کۆڕۆنا هاتگە، واتە ١٠ قات فیشتر لە ئامارە فەرمیەگان، وئاماژە دەێد ک بڕ فرەیگ لە دانیشتوەیل تووشهاتنە، یا تووشهاتنە وبیمارەگەو وەپیان دیارنیە.