ژنيگ 89 ساڵان له‌ ئيران تويش كۆرۆنا هات و خاسه‌و بوێ

ژنيگ 89 ساڵان له‌ ئيران تويش كۆرۆنا هات و خاسه‌و بوێ
2020-04-15T10:23:10+00:00

شه‌فه‌ق نيوز/ عه‌لى به‌ختيارى سه‌رۆك نه‌خوه‌شخانه‌ى ديزه‌فول له‌ پاريزگاى خوزستان(باشوور خوه‌رئاواى ئيران)، ئاشكراى خاسه‌وبوين ژنيگ 89 ساڵان كرد له‌ په‌تاى كۆرۆناى تازه‌.

 

به‌ختيارى له‌ لێدوانيگ ك له‌لايه‌ن ئاژانس "ئيرنا"ى ئيرانييه‌و بڵاوكريا وت: په‌رى سوله‌يمانى ته‌مه‌ن 89 ساڵان و خه‌ڵك شار ديزه‌فول له‌ نه‌خوه‌شخانه‌ بويه‌و دوياى تويشهاتنى وه‌ ڤايرۆسه‌گه‌ حاڵه‌ت ته‌ندروستيى خراو بويه‌، وه‌لێ دوياخر له‌شوون چاره‌سه‌ر خاسه‌و بويه‌و نه‌خوه‌شخانه‌يش وه‌جى هيشتگه‌.

 

جى باسه‌، يه‌يش له‌وه‌ختيگه‌ كه‌يانوش جه‌هانپور قسه‌كه‌ر وه‌ناو وه‌زاره‌ت ته‌ندروستى له‌ باره‌ى تازه‌ترين ئاماره‌يل تويشهاتن له‌ وڵاته‌گه‌ وت: حاڵه‌ته‌يل تويشهاتن وه‌ نه‌خوه‌شيه‌گه‌ ره‌سيه‌سه‌74 هه‌زار و 877 كه‌س و شماره‌ى ئه‌وانه‌كيش خاسه‌و بوينه‌ ره‌سيه‌سه‌ 48 هه‌زار و 129 كه‌س.

Shafaq Live
Shafaq Live