چين ئه‌را يه‌كه‌مجاره هويچ حاڵه‌تيگ مردن تۆمار نه‌كردگه له‌وه‌ختيگه‌و كۆرۆنا ده‌ركه‌فتگه
2020-04-07T10:36:50+00:00
شه‌فه‌ق نيوز/ ده‌سڵاته‌يل چينى، باس له تۆماركردن 32 حاڵه‌ت تويشهاتن تازه كردن وه ڤايرۆس كۆرنا وه‌ل تۆمار نه‌كردن هويچ حاڵه‌تيگ مردن له ماوه‌ى 24 سه‌عات گوزه‌يشت.
له‌ى باوه‌ته‌و، ليژنه‌ى ته‌ندروستى نيشتمانى له به‌ياننامه‌يگ وت: 32 حاڵه‌ت تويشهاتن تازه كردن وه ڤايرۆس كۆرنا تۆمار كرياگه، وه‌لێ هويچ حاڵه‌تيگ مردن نه‌ويه له ماوه‌ى 24 سه‌عات گوزه‌يشت.
جى باسه، به‌ياننامه‌گه ئاماژه وه‌يه‌يش كرد ك گشت حاڵه‌ته‌يل تويشهاتن وه په‌تاگه‌يش ئه‌را گه‌شتياره‌يليگ تۆمار كريانه ك له‌ده‌يشت وڵاته‌گه بوينه‌و گله‌وخواردنه، ك وه‌يه‌يش شماره‌ى حاڵه‌ته‌يل تويشهاتن ئه‌را ئه‌وانه‌گ له‌ده‌يشت وڵاته‌و هاتنه‌سه‌و ئه‌را ناو چين ره‌سيه‌سه 983 كه‌س.
