په‌لامار حوسيه‌يل ئه‌را بان سه‌رچه‌وه‌يگ نه‌فتى له‌ سعوديه‌ نرخ نه‌فت به‌رزه‌و كرد

په‌لامار حوسيه‌يل ئه‌را بان سه‌رچه‌وه‌يگ نه‌فتى له‌ سعوديه‌ نرخ نه‌فت به‌رزه‌و كرد
2019-08-19T09:45:27+00:00

شه‌فه‌ق نيوز/ نرخ نه‌فت خام له‌ بازاڕه‌يل جه‌هانى روێ له‌ به‌رزه‌وبوين كرد دوياى ئه‌و په‌لاماره‌ ك جياخوازه‌يل يه‌مه‌نى ئه‌نجامى دان ئه‌را بان دامه‌زرياگيگ نه‌فتى له‌ سعوديه‌ له‌ سه‌ره‌تاى ئى هه‌فته‌، يه‌يش له‌وه‌ختيگ بازرگانه‌يليش گه‌ردنه‌ شوون به‌ڵگه‌يليگ له‌بان ئه‌وه‌گ گرژيه‌يل بازرگانى ناونى چين و وڵاته‌يل يه‌كگرتگ دوير نيه‌ روێ له‌ داوه‌زين بكا.

 

وه‌گووره‌ى ئاژانسه‌يل جه‌هانى/ نرخ نه‌فت خام برنت64 سه‌نت داوه‌زيه‌ ك ئه‌كاده‌ نزيكه‌ى 1.1٪ و هه‌ر به‌رميليگى ره‌سيه‌سه‌ 59,28 دۆلار له‌ سه‌عات 0255 وه‌ وه‌خت گرينتش.

 

نرخ نه‌فت خام ئه‌مريكايش 55 سه‌نت داوه‌زێ ك ئه‌كاده‌ 1% و هه‌ر به‌رميليگى ره‌سيه‌ 55,42 دۆلار.

 

جى باسه‌، په‌لامار وه‌ ته‌ياره‌ى بى ته‌ياره‌وان ك له‌لايه‌ن جه‌ماعه‌ت حوسيه‌يل ئه‌نجام دريا ئه‌را بان سه‌رچه‌وه‌يگ نه‌فتى له‌ خوه‌رهه‌ڵات شانشين عه‌ره‌بى سعودى بويه‌ هووكار كه‌فتنه‌وه‌ى ئاگر له‌ كێڵگه‌يگ غاز و يه‌يش گرژێ له‌لى كه‌فته‌و له‌ خوه‌رهه‌ڵات ناوين.

Shafaq Live
Shafaq Live