پلان سزانن خوهندنگاو مزگفتيگ 20 ساڵ حوكم زيندانى ئهمريكييگ دا
![پلان سزانن خوهندنگاو مزگفتيگ 20 ساڵ حوكم زيندانى ئهمريكييگ دا](https://media.shafaq.com/media/archive/files/KURDISH/ssss10.jpg)
شهفهق نيوز/ دادگاى ئهمريكى حوكم زيندانيكردن لهبان كانديديگ وهرين كۆنگرس لهبان ولايهت تنيسى ئهرا ماوهێ 20 ساڵ دهركرد وه تومهت ئهوهگ پلان ئهرا سزانن خوهندگاو ئاشخانهو مزگفتيگ له نيويۆرك داناوێد.
دادگاێ تشاتانوغا حوكم زيندانيكردن لهبان رۆبهرت دوغارت(65 ساڵان)دا لهوهر ئهوهگ له شووبات گوزهيشت ههوڵ ئهوه داگه لهڕێ كهسهيليگتر كردهوهيل سزانن ئهنجام بيهێد و دهسدريژى بكاده بان مافهيل مهدهنى مهردم.
جى باسه، نويسينگهێ پهيجورى ناوهندێ "ئێف بى ئاێ" له نيسان 2015 دوغارت كرد له شوون ئهوهگ له پهيوهندييگ تهلهفۆنى چهوديريكرياێ باس لهوه كردگه ك خوازياره لهڕى مهردمانيگ چهكدارهو گهشت ئهرا ئسلامبيرغ بكهن ك شاريگهو جاليهێ موسڵمان لهتى ژيهن له هانكوك له ولايهت نيويۆرك پهلاماريگ چهكدارێ ئهنجام بيهێد و لهتى مزگفتيگ بسزنێد يا بتهقنيدهوهێ.