"پاڵه‌وان" له توركيا قه‌يه‌غه كريا!
شه‌فه‌ق نيوز/ ئاسايش توركى له‌ى هه‌فته نزيكه‌ێ 15 جايه‌ڵ جوان ده‌سگير كرد له‌وه‌ر ئه‌وه‌گ كراسيگ له‌وه‌ر كردنه وشه‌ێ "پاڵه‌وان" وه ئنگليزيه‌و له قه‌يه‌و نويسرياوێد، ئه‌ويش له شوون ئه‌وه‌گ ده‌سڵاته‌يل ئه‌و وڵاته جوور پشتگيرييگ له هه‌وڵده‌ره‌يل كوده‌تاى ساڵ گوزه‌يشت زاننه‌ێ.
ده‌سڵات توركى مه‌سه‌له‌ێ له‌وه‌ركردن ئى كراسه وه په‌ياميگ زانن ئه‌را پشتگيرى له فه‌تحوڵڵا غۆڵن ك نيشته‌جيه له وڵاته‌يل يه‌كگرتگ و له‌لايه‌ن ئه‌نقه‌ره‌وه تومه‌تبار كرياگه ئه‌را هه‌وڵ كوده‌تا.
جى باسه، ئاژانس هه‌واڵه‌يل دوغان ئاماژه وه گرتن چه‌ن كه‌سيگ تر كرد له ئه‌نتاكيا له باشوور وڵاته‌گه و جايه‌ڵيگيش له جناكالى له باشوور خوه‌رئاوا وه بوونه‌ێ له‌وه‌ركردن ئى كراس كوڵ چه‌رمگه ك وشه‌ێ"هيرۆ" وه ئنگليزى له قه‌يه‌و نويسرياگه‌و ماناێ پاڵه‌وان ئه‌ياد و چه‌وه‌ڕى ئه‌كريه‌ێد دادگايى بكريه‌ن وه تومه‌ت دعايه‌ێ ترۆريستى ئه‌را پشتگيرى كوده‌تا.
