يه‌كه‌م ده‌وڵه‌تيگ ئۆرپى وه‌فه‌رمى ئاشكراى كووتاييهاوردن وه كۆرۆنا كرد
شه‌فه‌ق نيوز/ حكومه‌ت سلۆفينيا وه فه‌رمى ئاشكراى كووتاييهاوردن وه ڤايرۆس كۆرۆنا كرد له وڵاته‌گه، وه‌يه‌يش بويه يه‌كه‌مين وڵاتيگ ئۆرپى ئه‌و كاره ئه‌نجامدا، ئه‌ويش دوياى ئه‌وه‌گ ده‌سڵاته‌يل ئه‌و وڵاته جه‌خت له كه‌متر له هه‌فت حاڵه‌ت تازه‌ى رووژانه كردن وه دريژايى دو هه‌فته‌ى گوزه‌يشت.
حكومه‌ت له به‌ياننامه‌يگ وت: ئه‌و كه‌سه‌يله ك له‌ده‌وڵه‌ته‌يل تر يه‌كێتى ئۆرپاوه ئه‌يه‌نه ئه‌را سلۆفينيا پابه‌ندييان ناكريه‌ێد ئه‌را ماوه‌ى هه‌فته‌يگ بخريه‌نه كه‌ره‌نتينه جوور ئه‌وه‌گ له سه‌ره‌تاى ئبريل/ نيسان ئه‌نجام دريا.
به‌ياننامه‌گه باس له‌وه‌يش كرد ئه‌و كه‌سه‌يل بيگانه ك روێ له وڵاته‌گه ئه‌كه‌ن له حاڵه‌تيگ ئه‌گه‌ر نيشانه‌ى ڤايرۆسه‌گه وه‌پيانه‌و بدێ رێ وه‌پيان نادريه‌ێد بانه‌و ناو سلۆفينياو باس له‌وه‌يش كرد بايه‌سه له‌بان هاووڵاتيه‌يل وه وه‌رده‌وام پابه‌ند بوون وه خاڵه‌يل بنه‌ڕه‌تى ته‌ندروستى و خوه‌يپاريزى وه‌خاتر نواگيرى له بڵاوبوينه‌وه‌ى ڤايرۆسه‌گه.
