يه‌كه‌م خانمه ته‌ياره‌وان ئه‌فغانى داواى په‌نابه‌رى له وڵاته‌يل يه‌كگرتگ ئه‌كا
شه‌فه‌ق نيوز/ يه‌كه‌مين خانمه ته‌ياره‌وان ئه‌فغانى له‌شوون ئه‌وه‌گ هه‌ڕه‌شه‌ى كوشتن له‌لى كريا داواى ماف په‌نابه‌رى كرد له وڵاته‌يل يه‌كگرتگ ئه‌مريكى، ك يه‌يش بويه‌سه جى باسكردن له‌ناو مه‌ردم وڵاته‌گه‌ى له‌باوه‌ت بار مافه‌يل ئافره‌ت.
هه‌واڵه‌يل باس له‌وه ئه‌كه‌ن ك مه‌سه‌له‌ى نيلوفه‌ڕ ره‌حمانى يه‌كه‌مين ته‌ياره‌وان ئه‌فغانى له‌و داواكاريه بويه‌سه خاڵ باسكردن نيشتمانى له‌باره‌ى نه‌وين ئاسايش و ماف ئافره‌ته‌يل و كووچكردن جايه‌ڵ جوانه‌يل، ك بريار بوى هه‌فته‌ى گوزه‌يشت نيلوفه‌ڕ گله‌و بخواردياد ئه‌را وڵاته‌گه‌ى دوياى خوليگ مه‌شقكارى وه‌ل هيزه‌يل ئاسمانى ئه‌مريكى، وه‌لێ ئاشكراى ئه‌وه كرد ك ناخوازێد گله‌و بخوه‌ێد له‌وه‌ر سه‌ڵامه‌تى گيانى.
جى باسه، له هه‌مان وه‌خت ره‌خنه‌يل فريه‌يگيش له ره‌حمانى گيرياو جوور داواكاريه‌گه‌ى جوور خيانه‌تيگ له‌لاى بڕيگ له وه‌رپرسه‌يل و چالاكوانه‌يل وڵاته‌گه‌ى باس كريا.
