وڵاته‌يل يه‌كگرتگ پيشبينى وه‌رگرتن 45 هه‌زار په‌نابه‌ر كرد
2017-09-28T09:17:00+00:00
شه‌فه‌ق نيوز/ ئداره‌ێ دوناڵد ترامپ سه‌رۆك ئه‌مريكى پيشبينى ئه‌وه كرد له‌ساڵ 2018 پيشوازى له 45 هه‌زار په‌نابه‌ر بكريه‌ێد.
له‌ى باوه‌ته‌و، له راپۆرتيگ ئه‌را كۆنگرس ك روێته‌رز ئاشكراێ كرد، ئه‌وه ده‌ركه‌فت ك ئداره‌ێ ئه‌مريكى پيشبينى وه‌رگرتن 19 هه‌زار په‌نابه‌ر له ئه‌فريقيا و 5 هه‌زار په‌نابه‌ر له خوه‌رهه‌ڵات ئاسيا و 2 هه‌زار له ئۆرپا و ئاسياێ ناوين و 1500 په‌نابه‌ر له ئه‌مريكاى لاتينى و ناوچه‌ێ كاريبى كردگه.
جى باسه، راپۆرته‌گه باس له‌وه‌يش كرد 17،5 هه‌زار په‌نابه‌ريش له خوه‌رهه‌ڵات ناوين و باشوور ئاسيايش وه‌رئه‌گيريه‌ێد.
