گووگڵیش تووش کورونا هات

گووگڵیش تووش کورونا هات
2021-05-01T11:51:34+00:00

شەفەق نیوز- کارمەندەێلەێ گووگڵ وتنە ک ئەر دوورکاری بەردەوامەو نەکرێ، لە گووگڵ دەرانە دەر.

چمان بڕێ لە کارمەندەێلەێ ئی شێرکەتە ک وە خاتر نواگیری لە کورونا چگنەسە دووکاری ئێسە وەێ شێوەێ کارییە هووکارەوە بینە و نەدخوازن ک ئەڵگەردنەو وە سەر کارەێلەگەیان.

ئی دەنگ و باسە وەختێ کەفتگە ک گووگڵ وە کارمەندەێلەێ خوەێ، گوڕەوگوڕ دیرێ پەیام ددەێ  ک تا سپتامبر 2021 بایەدە ئەڵگەردنە دوما ئوو دی وە جی دوورکاری؛ دە سەر کار، کارەێلەیان بکەن

 ‌ئی بڕیارە بییەسە دەسپێچگانێ ئەڕا بڕێ لەیان ک دە نام شەواچەێل ئێجتماعی دە وەراوەر ئی قسە رابوسن و هەڕەشە بکەن ک ئەر نەهیلن ئەڕا هەمیشە دوورکارەو بمینیمن لە گووگڵ دچیمنە رێیەو.

وە بان ئی دەمەقسەێلە دە نەزەرئەڵسەنگانەێلێ ک هووز گووگڵ خوەیان وەر ژە ئی جەڕ و باسەێلە کردنە، وتنە ک منێ؛ 62% له گووگڵییەێلە دخوازن دە سەر کار کارەێلەیان بکەن ئوو هە 8% دوورکاری دە گشت‌وەختێ دخوازن باوجی بڕێ لە کارمەندەێلە وتنە ک ئی هنە درووکانییە و وە ژێر ئی بڕبڕبەندییە نەدچن چوون دزانن ک دوورکاری‌خوازەێلەێ گووگڵ فرەترن لەێ چشتە دەێ نەزەرخوازی وتریاگە.

خاسە بزانن؛ وە بان ئی هەمگەێ ملجەڕییەو گووگڵ خوەێ یەکم شێرکەتێ بییە ک دوورکار کارمەندەێلەێ خوەێ کردگە ئوو ئێسەیش تەنیا شێرکەتێگە ک پاملەێ گلەو خواردنێیان وە سەر کارەێلەێیانە.

مایکروسافت و تووئیتر هەم دەێ هەنسا وتنە ک دوورکاری بەردەوام ئەڕا کارمەندەێلەیان دهیلن ئوو هووز فەیس‌بووکیش وتنە ئی چشتە هاوەرچەمێیان و دخوازن ئی جوورە کار کردنێ بکەنە هەمیشانی.

دوماێ هاتن پاندومی کورونا، دوورکاری جوور شێوەیێگ ئەڕا نواگیری لە تووش هاتن کارمەندەێلە دە گشت دنیا، باوەو بییە هەرچەن ک ئی شێوە لە بنەڕەتەو شێوەیێگە ئەڕا یە ک بەهرەوەری شێرکەتەێلە و دەوڵەتەێلە لە خاس کار کردن پرسنڵەلەیان بچووگە بانترەو ئوو هە هن نواگیری لە قەێڕانەێل نییە.

Shafaq Live
Shafaq Live