وه‌زير نه‌فت ئيرانى ميوانداريكردنى له ئه‌نجام بڕياريگ ره‌ته‌و ئه‌كا
شه‌فه‌ق نيوز/ ليژنه‌ى وزه له ئه‌نجومه‌ن شووراى ئسلامى ئيرانى، داواكارييگ له‌باره‌ى ميوانداريكردن بيژه‌ن زه‌نگه‌نه وه‌زير نه‌فت به‌رزه‌و كرد ئه‌را سه‌رۆكايه‌تى ئه‌نجومه‌نه‌گه له‌باره‌ى مه‌سه‌له‌ى به‌رزه‌وكردن نرخ سووزه‌مه‌نى.
له‌و باوه‌ته‌و، ئه‌حمه‌د عه‌لى ره‌زا بيكى ئه‌ندام ليژنه‌ى وزه وت: زه‌نگه‌نه ميوانداريكردنى ره‌ته‌و ئه‌كا له‌بان شه‌ش پرسيار ك ئاراسته‌ى ئه‌كريه‌ێد له دويه‌م دانيشتنه‌يل ميوانداريكردنى.
بيكى وت: شماره‌يگ له ئه‌ندامه‌يل ليژنه‌گه له‌سه‌ره‌تاى دانيشتنه‌گه هه‌وڵ په‌كخستن ئه‌و دانيشتنه دانه له‌ڕێ خوه‌يكيشانه‌وه له‌لى، وه‌لێ سه‌رۆك ليژنه‌گه‌و شماره‌يگ تر له ئه‌ندامه‌يل ئه‌وه ده‌رخستنه ئه‌و گامه كاريگه‌رى ناكاده بان كار ليژنه‌گه و زه‌نگه‌نه‌يش وتگه جواو پرسياره‌يل له دانيشان ئاشكراى په‌رله‌مان ئه‌ياده‌وه‌و يه‌يش له‌يوا كردگه داواكارى ميوانداريكردنى هه‌واڵه بكريه‌ێد ئه‌را ده‌سه‌ى سه‌رۆكايه‌تى ئه‌نجومه‌ن شوورا.
