وه‌رگرى ئاسمانى سوورى روێ وه‌ڕوێ په‌لاماريگ مووشه‌كى ئسرائيل بويه‌و
2019-06-12T10:15:13+00:00
شه‌فه‌ق نيوز/ ئاژانس هه‌واڵه‌يل سوورى(سانا)ئه‌وه ده‌رخست ك وه‌رگريه‌يل ئاسمانى سوورى روێ وه‌ڕوێ په‌لاماريگ ئسرائيلى بوينه‌سه‌و وه مووشه‌ك ئه‌را بان ته‌ل حاره له باشوور سورياو شماره‌يگ له‌ليان خستنه.
ئاژانسه‌گه وت: هه‌واڵه‌يل ئاماژه وه‌ئه‌وه ئه‌كه‌ن له‌و په‌لاماره‌يله ته‌نيا زه‌ره‌د ماددى كه‌فته‌سه‌وه‌و هويچ زه‌ره‌ديگ گيانى له ته‌ل حاره نه‌ويه.
جى باسه، ته‌ل حاره ئه‌كه‌فێده پاريزگاى درعا ك ته‌په‌يگ ستراتيجيه له نزيك ناوچه‌ى جۆلان داگيركرياێ.
