وه‌رپرسه‌يل عه‌ره‌ب و خوه‌رئاوايى جه‌خت له‌بان وسانن ته‌مويل ترۆر ئه‌كه‌ن
شه‌فه‌ق نيوز/ چه‌ن سه‌عاتيگ وه‌رجه ئيسه په‌يوه‌نديه‌يل فريه‌يگ روێدا له‌بان ئاست وه‌رپرسه‌يل گه‌ورا و له‌ناونى وه‌رپرسه‌يل عه‌ره‌ب و خوه‌رئاوايى وه‌خاتر تاوتويكردن قه‌يران قه‌ته‌رى ئه‌را وسانن پشتگيرى و ته‌مويل جه‌ماعه‌ته‌يل تونڕه‌و له ناوچه‌گه‌و ده‌يشت ناوچه‌گه.
له‌ى باوه‌ته‌و، تيريزا ماى سه‌رۆك وه‌زيره‌يل بريتانى، له په‌يوه‌ندييگ ته‌له‌فۆنى وه‌ل مير محه‌مه‌د بن سه‌لمان وه‌لى عه‌هد سعودى وت: بايه‌سه له‌بان قه‌ته‌ر وه‌رده‌وام بدێ له كاره‌يلى وه‌ل هاوسايه‌يل كه‌نداوێ وه‌خاتر روێ وه‌ڕوێ بوينه‌وه‌ى ترۆر له ناوچه‌گه.
هه‌ر له هه‌مان باوه‌ت، زيغمار غابريل وه‌زير خارجيه‌ێ ئه‌ڵمانى له كۆنگره‌يگ رووژنامه‌گه‌رى وه‌ل عادل جبه‌ير وه‌زير خارجيه‌ێ سعودى باس له‌وه كردن ك بايه‌ىسه گشت پشتگيرى و ته‌مويليگ له ترۆر بووڕيه‌ێد و هه‌ر له هه‌مان مه‌سه‌له سامح شوكرى وه‌زير خارجيه‌ێ مسرييش له په‌يوه‌ندييگ ته‌له‌فۆنى وه‌ل ريكس تيلرسون وه‌زير خارجيه‌ێ ئه‌مريكى باس له دويا روێداگه‌يل قه‌يران قه‌ته‌رى و دوسيه‌ێ په‌يوه‌نديه‌يل دولايه‌نه‌ێ ناونى مسر و وڵاته‌يل يه‌كگرتگ كردن.
جى باسه، ماڵ ئه‌ليزييش له به‌ياننامه‌يگ وت: مانويل ماكرون سه‌رۆك فره‌نسى په‌يوه‌ندييگ ته‌له‌فۆنى وه‌ل شێخ تميم بن حه‌مه‌د ئال دويه‌م ئه‌نجام داگه له‌وه‌ر وه‌ديكردن ڕييگ ئه‌را ده‌رچگن قه‌ته‌ر له‌ى قه‌يرانه ك هاته‌سه تويشى.
