یونیسێف: زیاتر لە یەک ملیۆن مناڵ لە کەرت غەزە
2023-11-15T06:08:47+00:00
شەفەق نیوز/ وەڕێوەبەرایەتی جیوەجیکردن سندوق مناڵەیل لە نەتەوەیەکگرتگەیل، کاترین راسل، راگەیان زیاتر لە یەک ملیۆن مناڵ لە غەزە، بی سەروشوینن یان هانە ژیر بینا رمیاگەیل.
راسل لە بەیاننامەیگ لەبان ماڵپەر رێکخریاگەگە راگەیان، " لە کەرت غەزە ئەرا یەک ملیۆن منال شوین ئارامیگ نییە"، دیاریکرد زیاتر لە 4.6 هەزار مناڵ کوشیانە و نزیکەی 9 هەزاریش زەخمدارن.
وتیش " فرەیگ لەو مناڵەیلە بی سەروشوینن، هاتێ ژیر بینا رمیاگەیل بوون".
دیاریکرد، وازکردن ریەیل سنووری وە شیوەی وەختانە ئەرا گواستنەوەی دەسمیەتی مرۆیەگان بەس نیەە ئەرا دابینکردن پێداویستیەل، وتیش " وەگەرد نزیکەوبوین زمسان هەوەجە وە سزەمەنی فرەتریگ کەێد".
یونیسێف لە گوزەشتە راگەیان، رووژانە زیاتر لە 400 مناڵ کوشیەن و زەخمداربوون لە کەرت غەزە، لە ئۆپراسیۆنە سەربازیە وەردەوامەیل ئیسرائیل ئەرا جواوداین پەلامارەیل "حەماس"وەبان ئیسرائیل لە بڕوار 7 ئۆکتۆبەر گوزەشتە".
