ولايه‌تى: سعوديه له سێ ده‌وڵه‌ت وه‌رگه‌ى ئيران نه‌گرت
2016-12-15T09:44:00+00:00
شه‌فه‌ق نيوز/ عه‌لى ئه‌كبه‌ر ولايه‌تى ئه‌ميندار گشتى كومه‌ڵگه‌ى جه‌هانى ئه‌را سه‌حوه‌ى ئسلامى له ئيران له كۆنفرانسيگ رووژنامه‌گه‌رى ئه‌وه ده‌رخست ك سعوديه له سێ ده‌وڵه‌ت وه‌رگه‌ى وڵاته‌گه‌ى نه‌گرتگه و له‌وانه‌يش عراق.
ولايه‌تى له لێدوانيگ وت: گووڤار ئيكۆنۆميست گشت ئه‌و واينه‌يل سعوديه له‌وه‌رده‌م ئيران شماردگه، يه‌كيگيان له لوبنان و ئه‌واكه‌يش له سوريا.
جى باسه، ولايه‌تى هه‌ميش وت: سعوديه‌يل له عراقيش ناچار بوين باڵوێز خوه‌يان بكيشنه‌و، وه‌ل ئه‌وه‌يشا له دانيشتن ئۆپيكيش ئاشكرا بوى ك چوين كۆمار ئسلامى وه‌رگرى له مافه‌يل خوه‌ى و مافه‌يل دووسه‌يلى كرد.
