ولات هیند خوازێد 5 ملیۆن تاقابەش ڤاکسین کۆرۆنا بەرهەم بکەێد
شەفەق نیوز/ وڵات هیند راگەیان خوازێد فرەتر لە 5 ملیار تاقە بەش ڤاکسین دژ کۆرۆنا بەرهەم بارێد لەماوەی ساڵ ئایندە، و داواکەێد رێکخراو تەندروسی جیهانی دان وە ڤاکسینەێل هیندی وە زۊیترین وەخت بکەێد.
سەرۆک وەزیران هیندی، ناریندرامودی لە وت: " هیند هەمیشە پەیمانەێل جیهانی خوەی وە راسی دەس وەپێ گردیە، وە پڵاتفۆرم کۆمەڵەی 20 ، ئمڕوو خوازم خەوەر بیەمە گشتدان ک هند خوەی ئامادە کەێد لە ساڵ ئایندە فرەتر لە 5 ملیار تاقەبەش لە ڤاکسین ئەرا گشت وڵاتەێل جیهان بەرهەم بارێد.
مودی ئاشکەرای کرد، لەی گامە ئامانجمان دەسمیەتدان لە نواگردن پەتای کۆرۆنا لە جیهان، و جەختکرد ک پێویستە وە زۊیترین وەخت دان وە ڤاکسینەێل هندی وە لایەن رێکخراو تەندروسی جیهانی بنەێد.
سەڕۆک وەزیران هند دیاری کرد، وڵاتەگەی توانای خاسێگ دیرد لە پیشەسازی دارمان، تا ئیسە فرەتر 150 وڵات ڤاکسینەێل کۆرۆنا وەکارهاوردنە، هند توانێد لە ماوەی کەمێگ فرەتر لە ملیارێگ تاقەبەشەێل ڤاکسین بەرهەم بارێد.
