کوشیان و نەمان دەیان لە کووچبەرەیل وەرانەوەر کناراوەیل تونس
2023-03-23T15:30:38+00:00
شەفەق نیوز/ وەرپرسیگ دادوەری تونسی، ئمڕوو پەنجشەممە، دووپات کرد ک ٤ بەلەم کووچبەرەیل ئەفریقایی، وەماوەی دوو رووژ، وەرانوەر کناراوەیل تونس نقوم بوینە
وەرپرسەگە ئەرا ئاژانس "رۆيتەرز" وت: ئەوەیش مەوقەی تەقەلای رەدکردن لە دەریای ناوڕاس وەرەو ئیتالیا وەلایەن بەلەمەیل رویداگە، ک بویە هوکار کوشیان ٥ کەس وەلای کەمەو، وەگەرد ٣٣ بیسەروشوین، لە وەختیگ پاسەوان کناراوەیل ٨٤ کەس رزگار کردن.
وتیش: بەلەمە کوینەیل وەرانوەر کناراوەیل سفاقس لە رووژەیل چوارشەکمە و پەنجشەممە نقوم بوینە، لە وەختیگ کووپبرون وەرەو ئەوروپا زیایەو بوود.
