٨ کوشیان وە لەیەکداین دوو فڕۆکە و تەقەکردن لە ئەمریکا

شەفەق نیوز/ دەسەڵاتەیل ئەمریکا کوشیان ٨ کەس وە رویداو لەیەکداین دوو فڕۆکە لە فڕۆکەخانەی باکوور لاس ڤیگاس لە ویلایەت نيفادای ئەمریکا راگەیانن.  

ئاگرکپکردن نيفادا لەبان تویتەر نویسان: تا ئیسە خەورەدار لە کوشیان چوار دویەت کریایە.   وەگورەی راپۆرتەیل، فڕۆکەی پايبر PA-46 مەوقەی نیشتنەوەی دالە فڕۆکەیگ سيسنا 172.

هەرلیوا،  شەو یەکشەممە، ٤ کەس لەناو مۆڵیگ لە ویلایەت ئیندیانای ئەمریکا کوشیان، هەنای پیاویگ لەناو هۆڵیگ دەسکردە تەقەکردن، تا کابرایگ مەدەنی چەک وەپی بویە، تەقە لەلی کردیە و کوشتیەسەی.  

جیم ئیسون سەرۆک بەش پۆلیس گرینوود، لە کۆنگرەیگ رووژنامەوانی وت: پیاوەگە چیە ناو مۆڵ "گرینوود پارک" و تفەنگ وبڕیگ مەخزەن گولە وەپی بویە، ودەسکردە تەقەکردن لەناو هۆڵەگە.  

ئیسون وتیش: کابرایگ مەدەنی چەکدار (٢٢ ساڵان) جویر پاڵەوانیگ ئەو کابرا کوشت، و ئامار قوربانیەیل رەسیە چوار کوشیان و دوو زەخمدار.