کوشیان و زەخمداری وە رویداویگ تەقەکردن لە ئەمریکا
2023-07-02T11:25:56+00:00
شەفەق نیوز/ پولیس شار بالتیمور ئەمریکا، ئمڕوو یەکشەممە، خەوەردا ک تەقەکردن وەلایەن بڕیگ کەس لە شەو شەممە لەبان یەکشەممە، روی دایە.
ویستگەی "فۆكس 45 بالتيمور" وت: راپۆرتەیل سەرەتایی نشان دەن ک چەن کەسیگ کوشیاگە و دەیان کەسیش زەخمدار بوینە.
تووڕ خەوەری "سی ئێن ئێن" خەوەردا لە کوشیان دوو کەس و زەخمداری ٢٨ کەس لەو رویداوە.
وتیش؛ پولیس دەیان کەس رەسانە خەسەخانەیل، و ١٩ کەسیش خوەیان رەسینە خەسەخانە، و لە زار وەچەودیەیلیگ وت: دەنگ نزیکەی ٢٠ تا ٣٠ گولە ئەژنەوتنە.
وەگورەی تووڕەگە، ٣ کەس لە زەخمدارەیل تەندروسییان سەختە.
پولیس وت؛ تەقەکردنەگە لە چوارسویکەی ٨٠٠ لە جادەی گریتنا لە بالتیمور گەورەترین شارەیل ویلایەت میریلاند ئەمریکا بویە.
