کوشیان و زەخمداری نزیکەی ٤٠ کەس وە رویداویگ هاتوچو لە وڵات چین
2023-01-08T07:22:55+00:00
شەفەق نیوز/ نزیکەی ١٧ کەس کوشیا و ٢٢ کەسیش زەخمدار بوی، لە رویداویگ هاتوچو لە ناوچەی جیانگشی لە خوەرهەڵات چین.
ویستگەی "سی سی تی ڤی" حکومەتی لە زوان دەسەڵاتەیل ناوخوەیی وت: رویداوەگە بویە هوکار کوشیان ١٧ کەس و زەخمداری ٢٢ کەستر، وتیش: زەخمدارەیل بریانە خەسەخانە، و لێکۆڵینەوە ئەرا رەسین وە بندروس رویداوەگە وەردەوامە.
پولیس نانچانگ رینمایی ئەرا رانندەیل دەرکرد، ک ناوچەگە تەمە و لە رویداو هاتوچو مقیەت بوون.
وتیش: هویردان لەلای پراخ تەم بوود، وە یەواشیگ و وریایی بڕانن.
