کوشیان و زەخمداری لە ئەنجام رویداویگ تلیان لە ئیسرائیل

شەفەق نیوز/ پولیس ئیسرائیل، ئمڕوو یەکشەممە، خەوەردا لە کوشیان پەنج کەس و زەخمداری دەیان کەس فرەیان سەرباز بوینە، لە ئەنجام رویداویگ تلیان نزیک گەراج پاسەیل باکوور تەلئەبیب.

 رووژنامەی "ديعوت ئەحرونوت" عیبری وت: شمارەی گەورەیگ لە زەخمدارەیل هیمان لە ژیێ ئەو بارهەڵگرە گیر خواردنە و زەخمەیلیان سەختە.

لەلای خوەییش، رووژنامەی "يسرائيل هيوم" وت: زیاتر لە 40 - 50 کەس لە رویداو تلیان کەفتن 15 لەلییان زەخمییان سەختە 5 کەسیش گیانیان لەدەسدان.

هەرلیوا، قسەکەر پولیس ئیسرائیل وت: لێکۆڵینەوە لە رویداوەگە وەردەوامە.

دویای ئەوە، میدیایل ئیسرائیلی وتن: شمارەی زەخمدارەیل هاتێ بڕەسێدە 50 کەس، لەناویان 15 زەخمداری سەختە.

پولیس ئیسرائیل وتیش: رەفتار وەگەرد رویداو تلیانەگە لە باکوور تەلئەبیب کەێد جویر پەلاماریگ لە پشتینەی نەتەوەییە.