کوشیان و زەخمداری لە کەفتن پاسیگ لە ئیسپانیا

تیمەیل وەرگری شارستانی دوو کەس لەناو چەمەگە رزگار کردن، یەکیگیان رانندەی پاسەگە بوی ک تەمەنی ٦٣ ساڵە، و یەکیگیان خانمیگ بوی، ک ئەرا دوو خەسەخانەی نزیک بریان.

قسەکەر پولیس ئەرا رۆیتەرز وت: لە تاقیکردن ئاشکرا بویە ک رانندەگە هووشبەری و مەی لە لەشی نییە.

وتیش: کارەیل مینەکردن لە دەوگرد پیەڵەگە تەواو بوین، و ئەندازیارەیل تەقەلا دەن پاسەگە لەناو چەمەگە درارن.

ئەو واران رفتە و شەپوول ئاوەگە شکست وە تەقەلای مینەکردن و رزگارکردن هاورد.

پاسەگە لە شارە لوجۆ وەرەو شار فیگۆ چگە، و وەرجە رویداوەگە لە شوینیگ خاسەوکردن ماشین وسیاگە.

پاسەگە لەبان پیەڵەگە لە دەس رانندە دەرچگە و لە بەرزی نزیکەی ٤٠ مەتر کەفتیەسە ناو ئاوەگە.