کوشیان و زەخمداری لە رویداویگ چەقووکیشان لە شاریگ ئەڵمانیا
رووژنامەی "بيلد" ئەڵمانی وت: پیاییگ وە چەقوو داد لە چەن ریواریگ وەشیوەی هەڕەمەکی لەناو ئاهەنگ ٦٥٠مین ساڵیاد دامەزریان شارەگە.
رووژنامەگە وتیش: سێ کەس لەلای کەمەو گیانیان لەدەسدان و چەن کەسیگ زەخمدار بوین، و مەردمەگە وتن: بکوشەگە هیمان ئازادە.
سەرۆک شارەوانی شارەگە باس کەفتن کوشیان و زەخمداری لە پەلامارەگە کرد، وەلێ باش شمارەیل نەکرد.
پولیس لەبان پلاتفۆرم ئێکس وت: بڕیگ کوشیای و زەخمدار کەفتنە لەئەنجام پەلاماریگ وە چەک چەرمگ.
راپۆرتەیل خەوەری وتن: چەقووکیشان لە مەیدان فرنهوف و لە شوینیگ بازاڕکردن بویە، کە لەورا تیپ مۆسیقا لەناو ئاهەنگە میوزیک ژنەین.
سولینگن کەفێدە ویلایەت باکوور راین، کە مەردم فرەیگ هاتە ناویر و کەفێدە بان سنوور هۆڵەندا.
پەلامارەیلیگ جویر چەقووکیشان و تەقەکردن چشتیگ فرە کەمە لە ئەڵمانیا، و حکومەت خوازێد یاسای هەڵگردن چەک چەرمگ لە شوینەیل گشتی سەختەو بکەێد.
