کوشیان و زەخمداری ٣٣ کەس وە رویداویگ هاتوچو لە پاکستان
2023-02-25T09:24:41+00:00
شەفەق نیوز / ١٣ کەس لەلای کەمەو گیانیان لەدەس دان، و زیاتر لە ٢٠ کەسیش زەخمدار بوین، ئەوەیش وە رویداویگ هاتوچو لە هەرێم بینجاب خوەرھەڵات پاکستان لە وەخت زوویگ ئمڕوو شەممە، وەگورەی قسەی رەزوان عومەر وەرپرس لە پولیس.
عومەر ئەرا میدیایل راگەیانن وت: رویداوەگە لەبان ری زوینەی "إم-5" نزیک ناوچەی روکانبور لە ناوچەی رەحیم یار خان بویە.
وتیش: پاسیگ بویچگ لەبان ری زوینە لەوەر تەقیان پاچکیگی پلیاگە ئیجا پاسیگ گەورە وەتونی هاتیە و ماشینیگ جێپ، گشتیان لەیەک دانە، و ١٣ کەس لە شوین رویداوەگە کوشیانە.
تیمەیل رزگارکردن و پولیس رەسینە شوین رویداوەگە، و تەرمەیل و زەخمدارەیل بریانە خەسەخانە.
