کوشیان و زەخمداری ٣١ کەس وە رویداویگ ناوەین دوو قەتار لە ئەندەنووسیا
ئاژانس فرانس پرێس لە زوان ئیبراهیم تومبو قسەکەر پولیس ئەندەنووسیا وت: سێ کەس کوشیانە و ٢٨ کەسیش زەخمدار بوین لە ئەنجام ئەو رویداوە لەناوەین دوو قەتار لەناو مەرەزەی برنج لە چیکالینگا لە کەرت جاوەی خوەرئاوا.
وتیش: رویداوەگە کەفتە ناوەین دوو قەتار سواری یەکەمین ناوخوەیی بوی و ئەوەکە قەتار تورانگا بوی کە لەناوەین شارەیل کار کەێد.
لەلای خوەییش، ئاین هانیبی قسەکەر لق ناوخوەیی کۆمپانیای کڕ ئاسن (بی تی کای) وت: ناسنامەی یەکیگ لە قوربانیەیل دیاری کردنە کە لەناو قەتارەگە میوانکاری کەێد، و ئەوەکان دیاری نەکریانە.
وتیش: قەتار تورانگا ٢٨٧ کەس لەناوی بوینە، و ئەو قەتارەگە ١٩١ کەس هەڵگردوێد، و هەردوگیان چووڵ کریان، و زەخمدارەیل ئەرا خەسەخانە بریان.
رویداوەیل هاتوچو لەناو ئەندەنووسیا باوە، ئەو وڵات دارسانی فراوانە کە پاسە گەورەیل و قەتارەیل و فڕۆکەیلیش هەمیشە کویەنن و خاسەو نیەکریەن.
