کوشیان و زەخمداری ٦ کەس وە تەقەکردن لەناو مۆڵیگ لە ئەمریکا
شەفەق نیوز/ دەسڵاتەیل ئەمریکی، روژ سیشەممە، راگەیان لە ئەنجام تەقەکردن لە نا بازاریگ لە شار بویزی لە ولایەت ئەیداهو ئەمریکی کەسیگ کوشیا وچوار کەس تر زەخمدارە، ئەفسەر پۆلیسێگ ها لە ناویان، لە کۆتا یەکێگ دەسگیر کریا.
وردەکاری رۊیداوەگە نادیارە، باواجی "رایان لی" وەڕێووەر پۆلیس بویزی خەوەردار روژنامەنوسەیڵ کرد پولیس لەبان ڕاپۆرتەێل گولە وشانن لە ناوەن بازار تاون سکویر کەمێگ دمای ساعەت 2 نیمەرو وە کات ناوخوەیی دەس وەکار بۊیە.
لی وت " وەختگ ئەفسەرەیل وە شۊین رۊیداوەگە رەسین ڕۊیوەرۊی کەسیگ بۊین کە ئەو کەسە کرد باسی کریایە"، ئیجا رەسیە گولە تەقەنن و ئەفسەرێگ کوشیا و وە گردن تاوانبارەگە کۆتایی هات.
لی وت: "لەو رووداوە تەنیا یەک کەس تەقە کردیە، لە ئیسە هویچ هەرەشەێگ لە ناوچەگە نییە". کاروەدەستەێل هویچ زانیارێگ وەبان گومانلیکریاگە ئاشکرا نەکردن وەڕێووەر پولیس رەتیکردەوە باس لە وردەکاری ڕۊیداوەگە بکەێدو وت: " ئیسە نێتۊینێد باس لە پەسمەنی رۊیداوەگە بکەێد؟".
و جوی بیرناڵ کڕیار ئەرا روژنامەنووس "ئەیداهو ستیتسمان" وت: لە شۊینیگ خواردەمەنی خواردن لە ناوەن بازارەگە دەنگ پەنج تا شەش گولە ژنەفتنە ، ئەمنیەیل رێگری لە دەرچووینی کردنە وەرجەوە پۆلیس برەسێد.
ناوەنی بازار سکویر لە کەنار خوەرئاوای بویزە پایتەخت ولایەت ئەیداهو ،250000 کەس لەورا نیشتەجییە.
