کوشیان و زەخمداری زیاتر لە ٢٠ کەس لە ئەنجام تەقەکردن لە ئەمریکا
شەفەق نیوز/ پولیس ئەمریکا، ئمڕوو یەکشەممە، خەوەردا کە رویداویگ تەقەکردن ناوەین بڕیگ کەس، رەسیە کوشیان و چوار کەس و زەخمداری ١٨ کەس لە ناوچەیگ ناودیار ئەرا ژیان شەوانە لە بێرمنگهام لە ویلایەت ئەلاباما.
کەسیگ وەکوتپڕ دەسگیر نەکریا، و پولیس داوای زانیاری لە مەردم کرد.
تڕۆمان ڤیتزگیراڵد، ئەفسەر پولیس بێرمنگهام لە پەیامیگ ئەلیکترۆنی وت: رویداوەگە کەمیگ دویای ساعەت ١١ی شەو بویە لە ناوچەی فایف پۆینتس ساوت لە شارەگە.
ئەفسەرەیل رەسینە شوین رویداوەگە و دوو پیاو و ژنیگ لە کەنار ریەگە پەیا کریان وە چەن گولەیگ زەخمدار بوینە، و خزمەت ئاگر کپەوکردن و رزگارکردن لە بێرمنگهام مردنیان لە شوین رویداوەگە راگەیان.
ڤیتزگیراڵد وت: تیمەیل پزشکی لە زانکۆی ئەلاباما لە خەسەخانەی بێرمنگام کوشیان قوربانییگ ترەک وە گولە راگەیان.
پولیس دیاری کرد کە مەزەنە کریەێد تەقەکردن هەڕەمەکی نەویە، و لە ئەنجام رویداویگ بویە، و فرەی قوربانیەیل لەناو تەقەکردن گیر هاتنە.
ناوچەی فایف پۆینتس ساوت شوینەیلیگ وەخت وەسەربردن هاناوی لە بار و چێشتخانە و شەوەیل شەممانە قەرەباڵغە.
