کوشیان و زەخمداری دوو ئەندام ئەمنی وە پەلامارداین سندوق هەڵوژاردن لە باشوور خوەرهەڵات ئیران
2024-06-29T08:02:18+00:00
شەفەق نیوز/ دەزگایەیل راگەیانن ئیران، ئمڕوو شەممە، خەوەردان لە کوشیان دوو ئەندام ئەمنی وەگەرد زەخمداری 5 ترەک وە تەقەکردن لە ماشینیگ کە سندوقەیل هەڵوژاردن سەرۆکایەیتی هەڵگردبوی لە پارێزگای سیستان بەلوجستان لە باشوور خوەرهەڵات ئیران.
ئاژانس ئیرانی میهر وت "چەکدارەیل تەقە لەماشینیگ کردنە کە سندوقەیل هەڵوژاردن هەڵگردیە لە ناوچەیجیکیغور سەر وە پارێزگای سیستان و بەلوجستان لە باشوور خوەرهەڵات ئیران".
هویچ کۆمەڵیگ وەرپرسیارەتی خوەی لە پەلامارەگە رانەگەیاندیە، لە وەختیگ رێکحریاگ چالاک "سوپای دادپەروەری" بلوجی ئۆپۆزسیۆن تەهران وە رێکخریاگ "تیرۆرستی" زانێد لە هەرێم سیستان و بەلوجستان هاوسنوور وەگەرد پاکستان.
لە ئیران هەڵوژاردنیگ پیشوەختە وەڕیوەچی کە وەلایەن دەسڵاتدارەیل کۆمارەگە پێشنیارکریا لە دویای مردن سەرۆک ئیبراهیم رەئیسی لە رویداویگ وەخوار کەفتن فرۆکە لە 19ی ئایار.
