کوشیان و زەخمداری دەیان کەس وە دوو رویداو جیاجیا لە تورکیا

شەفەق نیوز/ میدیایل تورکیا، ئمڕوو جمعە، خەوەردان لە کوشیان و زەخمداری 50 کەس وە دوو رویداو جیاجیا وەماوەی چەن ساعەتیگ لە دوو ناوچە.

وەرپرس هەرێم "ئاق سرای"، محمد عەلی قەمبوز ئۆغڵۆ، لە کۆنگرەیگ رووژنامەوانی وت: شەش کەس گیانیان لەدەسدان و 25 کەسیش زەخمدار بوین لە ئەنجام پلیان پاسیگ گەورە لەبان ری سەرەکی ناوەین هەرێمەگە و ئەنقەرە، شەوەکی ئمڕوو، و هیمان مدووەیل رویداوەگە ئاشکرا نەویە.

وتیش: زەخمدارەیل وەزوی ئەرا خەسەخانە بریان، و دەسەڵاتەیل لێکۆڵینەوە لە رویداوەگە واز کردن.

هەرلیوا، پاسیگ کە گەشتیارەیل ژاپۆنی لەناوی بوین، شەو پەنجشەممە، لە ریەگە لادا، کە بویە هوکار زەخمداری 22 کەس، وەگورەی ئاژانس خەوەری فەرمی.

 ئاژانس ئەنادۆڵ وت: رویداوەگە لەبان رییگ سەرەکی لە پارێزگای "ئەڤيون قەره حسار"، وەدیری نزیکەی  250 كيلومتر وەرەو باشوور خوەرئاوای غەززە رویدا، و هیمان مدووەیل رویداوەگە ئاشکرا نەویە.

زەخمدارەیل ئەرا خەسەخانە بریان، یەکیگیان ژیانی کەفتیەسە هەڕەشە.