کوشیان و زەخمداری 11 پۆلیس لە وەخت جیوەجیکردن فەرمان دەسگیرکردن داواکریاییگ لە ئەمریکا
2024-04-30T08:07:00+00:00
شەفەق نیوز/ سێ ئەندام پۆلیس لە شار شارلوت لە ولایەت نورس کارولاینای ئەمریکا وە گولە کوشیان لە وەخت جیوەجیکردن فەرمان دەسگیرکردن داواکریایگ، وەپای راگەیانن دەزگایەیل راگەیانن ناوخۆیان.
پۆلیس شارلوت، جۆنی جینینغز، لە کۆنگرەیگ رووژنامەوانی راگەیان، 8 ئەندام جیوەجیکەر یاسا لە رویداوەگە زەخمداربوینە، وەپای کەناڵ "سی ئێن ئێن".
ئاژانس "ئەسیوشیتد پرێس"لە جینینغز راگەیان، "داواکریاگ تەقە لە پۆلیس کردیە هەنای لە ماڵەگەی نزیکەوبوینە لە دەوروگەرد شارلوت، لە حەوشەی ماڵەگە کوشتسەیان، بەڵام کەسیگ ترەک لەناو ماڵەگە تەقەکردیە لەناو ماڵەگە دەوانچەی وە قوەتیگ پەیاکریا".
وتیش؛ ژنیگ و گەنجیگ 17 ساڵان لەناو ماڵەگە پەیاکریان لە دویای رویوەروی بوینەوەیگ 3 ساعەتی، دیاریکرد لێکۆڵینەوەیل دەریخەن "پرسیارەیل فرەیگ هەس کە لە ئیسە جواو نەدریانە".
