کوشیان وەرپرسیگ ئەمنی وە تەقینەوەیگ خوەیکوشی لە پاکستان
2022-12-23T11:39:08+00:00
شەفەق نیوز/ وە تەقینەوەی ماشینیگ بۆمبرێژ کریاگ لە خاڵ وشکنین لە ئیسلام ئاباد پایتەخت، وەرپرسیگ لە پۆلیس پاکستان کوشیا وچەن کەسیگیش زەخمدارن.
فەرماندەی پۆلیس ئۆپراسیۆنەیل ئسلام ئاباد سوهەێل زەفەر وت،" وەپای زانیاری سەرەتایەیلمان پیاو و ژنیگ لەناو ماشینەگە بوینە".
زەفەر وە رووژنامەنووسەیل وت، ماشینەگە لە خاڵ وشکنینەگە نەوسیایە هەنای پۆلیس تەقەڵای وساننی دەێد، دیاریکرد،" لەوەخت رەدبوین ماشینەگە، ئەوانەگ لەناوی بوینه تەقاننەسێ".
وتیش، تەقینەوەگە خوەیکوشی بویە، دیاریکرد، وەلایەن کەم شەش کەس زەخمدارە.
