کوشیان و بیسەروشوینی ٨٥ کەس لە ئەنجام گورزیگ ئیسرائیل باکوور کەرت غەززە
شەفەق نیوز/ وەرگری شارستانی لە کەرت غەززە، ئمڕوو یەکشەممە، دراوردن تەرم ٢٦ کەس راگەیان بەشیگیان مناڵ و ژنە، و هیمان نزیکەی ٦٠ کەسیش بیسەروشوینە، لە ئەنجام گورزیگ ئیسرائیلی وەبان بینایگ لە ناوچەی بێت لاهیا باکوور کەرت غەززە.
محمود بوسەڵ قسەکەر وەرگری شارستانی ئەرا ئاژانس فرانس پرێس وت: تەرم ٢٦ شەهید دەرکریا، ژن و مناڵ هاناویان، و هیمان ٥٩ کەس لەلای کەمەو بیسەروشوینە، فرەیان مناڵ و ژنە، کەفتیەسە ژیر رمیاگەیل بینایگ پەنج قاتی، کە شەفەق ئمڕوو لە بێت لاهیا باکوور کەرت غەززە کریا ئامانج.
وتیش: ئەو گورز ئاسمانیە لە نزیک ساعەت موو شەفەق ئمڕوو بوی، وەلێ تووپواران تا چەن ساعەتیگ نەیشت کەسیگ بڕەسێدە هانای قوربانیەیل.
دیاری کرد کە تانک و قەڵغانەیل ئیسرائیل وەدویری سەدان مەتر لە بیناکە وسیانە و تەقە وەرەو مەردم کەن کە خوازن بڕەسنە هانای کەسەیل ژیر رمیایەگە، هەمیش دڕۆنەیل تەقە کەن.
