کوشیان ئەندامەیلیگ ئەمن ئیسرائیل وە گولە
2024-09-01T06:30:20+00:00
شەفەق نیوز/ سێ ئەندام پولیس ئیسرائیل و سوپای سنوور، ئمڕوو یەکشەممە، لە تەقەکردنیگ نزیک تەیمانەی ترقومیا نزیک خەلیل کوشیان.
میدیایل راگەیانن ئیسرائیل وتن: چەکدارەیل فەلەستین تەقە لە چەن ماشینیگ کردن، کە ماشین پولیس لەناویان بوی وەگەرد پاسیگ، و ٣ ئەندام لە پولیس ئیسرائیل کوشیان، و چەکدارەیل خوەیان لەو شوینە کیشانەو.
لەلای خوەییش فریاکەفتن ئەسارەی سوور داود وت: دویای تەقەکردن لەبان ماشینیگ لەبان ری ٣٥ خوەرهەڵات مەرز ترقومیا، فریاکەفتن ئەسارەی سوور داود چارەسەری پزشکی ئەڕا سێ زەخمدار کردن، پیاو و ژنیگ لە تەمەن ٣٠ ساڵان زەخمییان سەختە، و پیاییگ تەمەنی نزیک ٥٠ ساڵە ناجیگیرە.
دویای ئەوە فریاکەفتن ئیسرائیل کوشیان سێ پولیس راگەیان.
دویای ئەوە، سوپای ئیسرائیل پەیاکردن ئەو ماشینە راگەیان کە لە پەلامارەگە وەکاری هاوریاس، دویای ئەوە کە چەکدارەیل توەنستنە بوان.
