کوشیان ١٣ ژن و دۊتیگ هیندی وەکەفتنیان وەناو بیر

شەفەق نیوز/ پۆلیس هیندستان خەوەردا لە کوشیان ١٣ ژن ودۊتیگ، دۊای ئەوە ک کەفتنە ناو بیرێگ، هەنای لەناو ئاهەنگ سۊریگ لە ئاواییان ئامادە بۊن. 

ئەخیل کۆمار وەرپرس پۆلیس ناوچەی کوشینجار لە ویلایەت ئەوتار برادش وت: ئەو قوربانیەیلە لەبان ئاسنیگ نیشتۊن ک بان بیرەگە وەپی دریاگە، و پارچە ئاسنەگە کەفتە ناو بیرەگە، و ئەوانیش وەگەردی کەفتن. 

لەلای خوەییش ئەس. راجالینگام دادوەر ناوچەگە وت: بیرەگە کۆنەس، و ئەو بڕە ک لەبان پارچە ئاسنەگە نیشتۊن کیشیان سەنگین بۊ، و کەفتنە ناو بیرەگە، و لەژیر رمیاگ بیرەگە تلیان.