کوشیان قسەکەر "حەماس" وە گورزیگ وەبان چادرەگەی لە باکوور غەزە

شەفەق نیوز/ سەرچەوەیگ فەلەستینی، شەفەق ئمڕوو پەنجشەممە، خەوەدا لە کوشیان قسەکەر بزوتنەوەی "حەماس" عەبدولەتیف قانوع لە ئەنجام گورزیگ ئیسرائیلی کە چادرگەی ئاوارابوینی لەکویەی بەلەد لە باکوور کەرت غەزە کردیەسە ئامانج.

ناوەن راگەیانن فەلەستینی دووپاتکرد "قانوع  لە ئەنجام گورز وشان کوشیا" باوجی بزوتنەوەی حەماس هویچ لێدوانیگ فەرمی لەبان کوشیانی نەداگە".

لە گوزەشتە، "حەماس" کوشیان سەرکردەی ئیسماعیل بەرهوم راگەیان کە ئەندام بوی لەنویسینگەی سیاسی  بزوتنەوەگە لە کەرت غەزە، لەئەنجام گورزیگ ئیسرائیلی کە بەشیگ لەخەستەخانەی   ناسڕ  لە خانیونس باشوور کەرتەگە گیریارە ئامانج، هەنای چارەسەر وەرگرد.